2007年06月30日
下午同小鋼去左剪髮…其實係看厭了自己的髮型, 卒之係決定電髮…
可能因為星期六, 髮廊超忙, 呀偉哥顧唔到咁多, 攪到小鋼的浪漫仔頭變成爆炸頭…汗…不是難看, 只是看不慣而已…
而我的還好, 只是我覺得看上去有點像喬寶寶…=.=”汗……咁就3個鐘…咁就3舊水…
回家一家人出去食晚飯賀媽子牛一~~大少也有來~~去左附近的人氣日本料理店~~味道還過得去~~
飯後回家巡例游乾水, 四圈過後竟然一舖都未食過, 所以又巡例派錢…我有我做牌既原則同堅持…哼~
(0)2007年06月29日
老細的LAST DAY, 個個做到傻傻地…
成個RE-ROUTING SCHEME要響老細走之前交, 做到臨尾才發覺TEMP SIGN POINT有問題, 要找人出街CHECK位…卒之都係交唔切… >.<
約左小鋼食飯兼睇衫, 點知成7點幾才走得, 害得小鋼等到成8點呢~(不好意思哦~)逛著逛著肚子餓, 但要等大少來食飯, 只好去FOOD COURT食蟹粉湯包頂住肚…大少要傾野差不多十點幾才到, 要不是買到可愛紫色包包和一些戰利品的話, 我想我應該會餓到找狂了吧…
去了久違的PIZZAHUT, 點了扭扭批, 真係幾好味…但是太大了吃不下…只好打包回家~~
2007年06月28日
今晚自己TEAM再同老細FAREWELL, ENGR們覺得就咁食晚飯唔夠特別, 所以選左去唱K (會特別D?) 於是一行九人去左寶利NEWAY, 貪佢又平又多野食, 預早BOOK位仲有折添~~唔黎都唔知原來個個都係歌王歌后, 臥虎藏龍! 失敬失敬~~ 聽到好多好耐無聽過、細細個果陣聽過、新到未聽過同出世前都未聽過既歌…估唔到將咁多個年代既人連埋一齊既歌係”富士山下”…竟然係個個都識唱…意猶未盡? 再整首”獅子山下”!! 哈哈~~埋單請埋老細每人都只係百二蚊~~抵!
2007年06月27日
捱左一個禮拜終於等到老細返黎喇~感動~佢唔響度才覺佢做野咁有效率同咁重要
我同V姐做到無停手忙到隻”積”咁, 趕住做好手頭D野比我老細出, 佢就係咁核對我地D圖, 有佢CHECK過至有信心架嘛~~
中午公司成個部門去美心FAREWELL MY BOSS, 食完又繼續埋首工作…累!!
2007年06月26日
老細還在享受佢果一個WEEK大假, WED返黎返到FRI之後七月就會轉走去另一個部門, 然後到九月才有人FILL佢個位, OH~
響呢兩個月會由C兄&V姐ACTING~~對內事務由V姐負責, 佢做野當然無問題, 電呀!
而對外既一切會由C兄MANAGE…希望同佢少D接觸…事關天氣炎熱, 以佢大份既身形加上懷胎20月的肚腩…請不要誤會我歧視肥人, 只是佢似乎沒有日日沖涼/洗頭的習慣, 以致身邊經常”隱約”傳出異味, 忙碌的ACTING工作令佢經常在我前面騰出騰入…不巧我最近身體不差沒有鼻塞, 同佢傾JOB時聞到佢的口氣但又唔想去諗佢究竟食左乜野味道重成咁的午餐…一見佢埋黎我塊面經已黑左一半
…傾起野黎吞吞吐吐, 講到一舊舊又拿不定主意, 講到底都係要自己諗自己做…試問邊個有咁好心情同佢傾野??? 完全唔電
無台型丫~~~~黎緊兩個月…難頂!
2007年06月24日
返隊返埋今日, 就開始放2個月暑假, 到9月先再返隊~~SO GOOD呢~~最好放耐D添~~
話哂係最後一日, 本來有想過準時返隊, 點知攪攪下…都係遲到…嘻嘻~~^.^”"
是日無乜訓練要做, 所以去哂班房選新一年的小組會(福利組之類的東西, 共12人), 無啦啦比人提左名出去, 又無啦啦成為最高票果12個人之一…WHY ME????? R甩頭皮都想唔通囉…選完即刻開會, 席上見識到各位”冷靜地傾談”來年大計, 傾到臉紅耳赤的…實在太熱心… 對我這喜愛和諧的平和型來說, 實在有點吃不消啊…*_*
2007年06月23日
不知是走到什麼好運, 今日竟然有得返95位(即係朝九晚五)
唔洗返咁早, 亦唔洗放咁晏, good丫~~
也許知道我是第一次返呢個位, 貼心的同事預先準備了一張工作checklist比我跟住做(雖然無寫清楚d野放響邊, 害我R頭R了成個鐘
汗~~) 自從電腦化及發生了神秘失葯事件(到依家重未破案)後, 大家處理事情都謹慎了好多, 核對這核對那的, 希望”盡量”減少出錯機會…因為出了錯會九秒九內被其他地方知道=.=”,最重要係會成為人地茶餘飯後的話題=.=”"”" 我也不想自己這樣”成了名”啊~~ 於是碌大雙眼地專心做野, 做到LUNCH就做完哂, 希望無做錯野啦…
緊張了一個上午, 然後…R了一個下午…有點悶…