冬草夏虫

端午節快樂!!

今天是在吃、看、睡中渡過, 閒~
本計劃今日用來入cd inventory (重有幾十隻碟未入file, 自從部腦/dvd writer 開始short short地, 燒d碟有d睇到有d睇唔到後, 都無乜心機入lu), 不過昨晚執d碟既時候, 比我搵番套< 王子變青蛙>, 所以計劃改為煲碟行動了~hehe~ ^_^||

中午老豆整熱d稯食~d稯係訓導整架~好味呀!!(味王食豬扒飯時的反應 :p) 有叉燒又有”干搖柱”~我老豆都話幾好味呢~~食完繼續睇碟, 然後小睡一會, 跟住沖涼然後落街食晚飯~食完飯行緊返去時, 比我發現了一件令我好唔高興既事 (不過算了, 我唔想講, 而家嬲完), 攪到睇碟都無乜引, 睇睇下記起今晚勁歌有183, 開黎睇佢地岩岩開始唱……雖然係唱< 王子>主題曲&插曲, 不過好似係m咀, 又唔係著紫衫, 無乜feel…’真愛’感覺ok, ‘迷魂計’就……而d舞步…… ^_^||……睇埋華仔就番房攤左陣, 跟住訓了…
端午節就這樣過…無乜特別…
今日完成了一日睇完成套< 王子變青蛙>的壯舉…+_+ …前十幾集幾好睇, 令我哭笑不得 (而且很多靚景, 令我起了想去那邊拍照的衝動~~@_@~嘿嘿~收進下次tw之旅~), 但末段劇情發展, 實有趕客之嫌…總括黎講, 幾好睇…但無乜感覺…

好想快d放假~~放假~~放假~~
“假期症候群” 引發我的渴睡症發作……
病徵: 無乜mood做野…
治療方法: 放假~
……
我要放假……放假……

呢兩日真係勁勤力, SAT上午要返工~下午返美記~~SUN上午要返隊~下午又返美記~HEHE~唔好以為我轉左性咁發奮喎, 其實係因為我地美記既前主管退休, 星期六有FAREWELL DIN, 而今日係KE區比賽, 所以咪編左我返囉~之不過番下都唔錯, 反正之前去左旅行, 有工返咪當幫補下囉~~HEHE~

昨晚聽到個壞消息, 有個返美記的訓練學校的師姐, 前一天(FRI)晚同家人去北角馬寶道一間酒樓食飯, 岩岩上哂食物剛起筷, 佢地正上方既冷氣槽突然塌下來, 剛好打中師姐的頭,角位打中佢條頸, 佢家人即刻CALL車送去律X治, 送到A&E,E生睇完即送左去瑪麗…你知啦, 打中條頸喎…可大可少架, 佢FEEL到D手抽筋, 全身有D痺…好擔心…分分鐘會………好彩今晚臨收工佢打黎, 話好番好多, 但手腳仲有D痺,酸酸軟軟咁, 不過郁得到, 叫我話比其他人聽叫佢地唔好擔心……我當堂抹一額汗~~好彩好彩~~大燕姐妳唔好諗咁多, 安心養病, 要快D好番呀!!祝早日康復~~

唉~諗住今晚上HQ可以試褲&裙, 順便拎埋D野比訓導~~ 細佬話六點九後上去, 我就七點鐘去到啦, 去到得班RECRUIT上緊FD, 都唔見有人試野, 咁咪去CANTEEN坐住邊打機邊等啦, 跟住見到AMY黎左, 一齊等到成七點九都無人…離哂譜~又唔見訓導喎~咪上去睇睇, 都係無人…南哥話師傅上過黎, 擺低左D衫唔知響邊樹咁, 我鬼知邊樹咩…唔通入男廁搵?? 去MESS果度上緊COURSE, 六樓見到細佬, 不過好似練習(OR TEST)緊, 唔方便找佢, SO 去番5左樓同5SIR&MADAM陳傾左一陣, 就走LU~因為我買左飛同大少睇聞西(9點)丫~套戲做成兩個幾鐘, 都OK好睇既~不過有D恐怖片FEEL(因為有果D懶係緊湊既音樂), 都係講天主教同唔記得咩會既鬥智鬥力+打打殺殺+金田一…咁上下既劇情片囉~(HAHA~比我講到一文不值咁~~)睇到頭都痛, 腰骨又痛~最慘係成袋野無著落, 唯有拎住去睇, 又鬼咁重喎…(好彩之後比大少拎), 睇完又要拎番屋企…嗚嗚…好彩之後訓導話會包D稯比我~正!!~~我要紫色既稯丫~~~~期待中……

今日真係做到無停手, 連toilet都係去左兩次咋~~
我engineer找我畫張proposal, 將一個”giveway” (讓路)既路口改成交通燈路口, 咁都唔係問題, 最大問題係要今日之內交(佢比我果陣都成十一點幾), 我手上又有兩張圖未畫完, 梗係即刻stop哂, 畫左呢張先啦~~畫緊果陣佢又不時叫我print圖, 又print下documents, 又print下相, 一時又問我之前果兩張圖畫完未, 趕住要……(@#($&@)(%@*%$….) 攪到我個腦成日hang機(唔夠ram丫), 叫我print兩份我就只print左一份, print一張漏一張, 激死~~ 好彩engineer脾氣好, 無話我咋 所以話呢, 去邊個部門做、做d咩都唔緊要, 最緊要跟個好老細 !!

做到家陣先叫做可以抖抖~~一陣要去HQ試褲同裙(之前訂做), 跟住就去睇”達聞西密碼”……唔知睇唔睇得明呢….?? 播成兩粒幾鐘, 唔知會唔會訓著呢…??

P.S. 班長仔~聽日就係啦~比心機呀!!! ^0^

今天david(我老細)和v師姐去了西貢site visit, 我的engineer有project在忙沒有搵我做野, 所以我今天勁free!! yeah~ 一返來見到檯面有張圖要畫, 好在不太複雜, 十點幾就畫完lu~跟住send比老細交功課~這時火警鐘響起~本以為測試警鐘, 但它一直長響, 連冷氣都熄埋, 覺得唔對路, 便其他同事一齊離開現場~行落去樓下的停車場等, 我只帶了銀包&電話, 但見到其他人連手袋/背包等行裝都帶齊哂 (好似走得咁), 好pro的走火警同事, 好攪笑~~無幾耐消防車都到了, 消防員來關警鐘, 原來係誤鳴~~好彩無事~~前前後後都攪左成45分鐘~~終於可以寫我的台灣之旅了~趁無王管一口氣寫哂成個台灣之旅, 勁~不過4點半david同v師姐返來了~我還差”後記”未寫…oh~~還是快d閃去睇e生, 然後回家再寫了~~

去到E生度, 話比佢聽又咳又訓得唔好啦~順便比佢睇我對腳腳眼位早幾日出左幾點”粒粒”, 每隻腳每邊都有兩三粒, 紅紅的癢癢的, 好鬼有型~E生唔睇由自可, 一睇就話我原來出濕疹丫~~話我勁濕熱喎~而且我d疹疹出得好對稱即係好毒咁解, 叫我呢排要戒口, 唔食得牛、蝦、蟹、魷魚—–shit~! 呢幾日我全部都有食過………唉~過兩日仲要返去覆診添……

轉眼就到了最後一天~趕緊執包袱check out&暫寄行李, 然後到附近吃義大利面~~味道不錯~~吃完到藥房替訓導買葯布, 不過沒貨, 只有同樣成分的另一個牌子, 只好sms問++, 不過佢應該未起身架啦~~hehe~~跟住去西門町閒逛~~

替++找的舖頭, 可惜膠傘已賣完了~~

* pipi的老家~~東龍大飯店  *
逛逛下++sms我, 話另一牌子的葯布照要~所以便回”麻麻”(華華飯店, 我取的名字, 因為間野唔多得~)旁的藥房掃葯布, 然後到國光車站坐車去機場~~這時pipi sms我, 叫我幫佢去西門町玫瑰唱片買5月號j-star, 唏~我已在車站耶~早點找我就幫你買嘛~沒辦法~ ^_^”
* 台北車站 * 到機場大樓check in, 然後去吃東西, 想不到連機場的食肆都咁有水準!! (加分加分~~) 小籠包比太古城新food court的更好味~那間乜乜burger快餐的雞腿—皮脆肉嫩, 正! (食到咳都抵~haha) 機上的飛機餐實在…有待加強….. =___=”, 尤其是跟中正機場的食肆相比簡直”相形見拙”~~真係…唔多掂~~好彩我地打左底咋~~

* 再見台灣! 等我! 我必定再來~~!! *

後記:

落機就打比pipi, 話佢知買唔到j-star, 佢問我響邊度, 我話”響你附近囉~香港呀!” 嘻嘻~對~其實你既小詭計呢~早於你問大少係咪坐果班機時, 佢已經話”莫非pipi想同你食飯?” 大少果真料事如神~~^^” 出閘的時候看到有個mm在揮手, 正在想是那個明星的fans接機, 睇清楚d原來是你~~ 雖然事前知道, 但那一刻還是很高興, 在我生日的這一天, 有你這個好朋友相伴 (還送我回家), 真的讓我很感動~其實你不用送我禮物啦~~ 的確, 你的出現已是送我的最好禮物了~~真的很謝謝你喔!!