隔了兩年再辦的seminar,去唔去都想了很久…其實不太想去,但唔去好像不太好…最後…還是去了~汗ing~
不想去的其中一個原因是…太胖了…竟然上午就發生爆鈕事件
攪到lunch buffet都無乜心機食…(講笑~) 下午又比同事話我”肥左又靚左”~但我知佢呢句只係focus在”肥左”囉~哼~另一個原因係…太早起身了…0730到場幫手setup,攪呢攪路~成朝對眼成條線咁~wakaka (-______-) 之不過,唯有在這場合, 可以見番好多好多同事,break&lunch就猛傾又影相~真係好開心呢~~
考試…真是件掃興的事,偏偏副業每年都要考試(一年兩鑊)…
而每年到這時間,就會常想退隊唔玩(大少一定拍手叫好=.=”),十年…說長不長,說短又不短,但越來越覺得困身,連唯一的興趣都變了質,真的有點沮喪無奈…
返隊嘛~都係”也也嗚”的吹水吹到收工…昔日的好友大多離去,或是玩得意興闌珊的,學的東西學不致用,近年都係為考試而考試,失去當初的熱誠…不喜歡這兒是可轉出去試試沒錯,但去得邊??去學堂教操?沒那種興趣,也沒這使命感…轉區嘛~只是返隊路程會近一點吧~其他沒多大分別…轉入特遣隊?沒那種能力吧~不想勉強自己…
步操嘛~係考驗我能力的時候…但身份已不同,也不能再跟大家一齊操…有點失落…(這也是我死不肯升級的原因)
美記嘛~係我的第2份經濟來源~但實在佔用我的休息時間(返隊也是)…現在我寧可像以前那樣,假日多休息/運動/陪陪身邊人和朋友,我不要做金錢的奴隸!(我只是其崇拜者而已^^”)
想來想去…好像再沒有讓我棲身的地方…在這兒該待不長的吧…該何去何從??
不過我心中有譜,退隊先結婚,結婚先儲錢~~哈哈~~
說這一大堆有的沒的…還是不要想太多, 先好好應付考試吧…^^”
忙忙忙~
有幾個proposal未畫~
seminar的準備工作~得番聽日做,後日就係啦!
一返到公司個Sen.E就出來叫我執2張圖,話要執靚d,開會用wor…執靚d?咁即係咩?咁虛幻ge?執完又執,一時嫌d街名地方名禁區牌字細,一時嫌點解張圖show唔到地鐵站名…但明明個範圍係佢select,地鐵站都唔響附近,點加呀?唔通寫”100米外有地鐵站”丫??要a4 size,scale1:1000,咁d字就大極有限啦~好~~你要d字大丫嘛~放大一倍囉~~~頂丫~交完又彈返轉頭……都仲係嫌字細!!我真係懷疑佢係咪有老花自己不自覺…仲要語氣唔多好,對住我老細係咁”唉”,鞋鞋聲咁…又嫌我質素低??
咁唔岩心水咁你自己黎丫!!攪到我火都黎,為保我既專業,我更加比心機執,字粒再放大多一倍(font size簡直有12!!)bold起佢再變埋顏色~哼~再睇唔到唔該你去驗眼呀!
執到放工都未執完,拎執好左的再交, 終於收貨,話good喎……呼…不過我始終非常懷疑佢係有老花既~~~卡卡~~~咪唔認老啦~~~接受現實把啦~~~wakaka~~
結果seminar的seating plan丫、attendance list丫、guest list丫等等全部未做,聽日都唔知有無時間做呢… /.\
今朝無啦啦個engineer找我,問我在word點樣可以將一串字anti-clockwise rotate 90度,我試過用垂直textbox打字,但都只可以clockwise rotate 90度…而用文字藝術師d字體又會唔夾…研究唔掂,打比kent求救~~沒想到佢試下試下就搵到解決辦法了~~萬分感謝~~然後我就去engineer度,同佢講我搵到個高人解決左啦~~佢就話仲有人高得過你? 我話梗係啦~~好高添丫~~^^(一山還有一山高嘛),心裡覺得很安慰,這總算是對我的一點認同吧(也可能只是在逗我^^”)~~雖然我做野又慢又唔小心的說~~~
又到了每年要履行16個鐘的”吉夠賺”服務的季節(因為呢段時間會有較多選擇~~)今日放假去青衣當值~0700就出門口了~(勁早-.-),隔離隊有較senior的師兄,所以我不用做ic~good~~開檔前10分鐘就到左,自己領key開門check用品,另2位師兄都到場,等左好耐,最後果位師妹才來到=.=完全若無其事咁…跟住開始有野做,那師妹隔一陣就唔見左人(可能去toilet卦),可能考試將近(3/12),唔洗做野時,佢地都拎哂d notes出黎溫習,是我懶惰吧~話哂而家係執勤時間黎架,收歛d好無?無奈ic都係咁…本應每隔一段時間就要出去patrol下,but…完全無人郁,匿響”吉夠室”度係咁刨notes囉…我唯有企近門口望住出面…間中都有老師向我揮手,有時佢地walk-in,有時老師們嗌咪call我地…唔知佢地點諗,我就覺得好丟臉/.\…坐響呢度都叫做有錢收丫,認真少少好無?乜而家當值係咁架咩?跟住11點幾,個師妹話比ic知,然後竟走左去hq換隊員証!原因係唔想請多日假去換!!唔係卦~~~~~~~~~~~~~~~~~~唔好玩啦~而ic咁都比佢去,如果出左事就真係大鑊喇~~雖然我唔care呢份副業,但著得件u出黎做野唔該尊重下自己…
心情納悶,放工後找小鋼大少去k發洩下~~大叫尖叫真係暢快~~不過就難為另外兩位的耳朵了~~heehee
昨晚睡不穩,可能是跟夢境有吧~夢中見到過世多年的外公,他沒表情也沒說話,站在以前的舊居的電梯大堂望著我,而我就著他快進去電梯,按14樓(舊居的樓層)上去吧~之類的,然後就醒了~~整天我都對這有點上心,雖然以前也夢見過他,但也只是霎眼而過,沒像這次,那情節重覆了好幾次…我還在想,外公怎麼找我而不是我哥或老媽呢~(外公在世時最疼我哥跟老媽的)~本想待妹下班回家聊時討論一下, 怎知晚飯後我爸收到鄉下的舅母idd,說舅父昨晚過世了…是突然離去的,沒什麼預兆,是喝酒喝得太兇吧…早上被發現已冰冷了…怎麼這樣巧合??奇怪…除了詫異,難免會有點傷感…卻流不出一滴眼淚…是因為太少機會見面,沒印象嗎?不是…回想起來,他也曾經疼過我的…那我怎麼這樣冷靜?…雖然年前聽到一些他欺負外婆,把她氣得很厲害的事,對他印象大打折扣…但…現在…真是沒有太哀傷的感覺…莫非…我是個冷血的人?
…
…
…
突然覺得自己很不孝…
(0)